അദ്ദിക്ർ

സത്യവും മിഥ്യയും വേര്‍തിരിക്കാന്‍ വേണ്ടി പ്രവാചകന്‍റെ കാലത്ത് നടന്ന ആദ്യ ത്തെ പോരാട്ടമായിരുന്നു ബദ്ര്‍ യുദ്ധം. സത്യത്തെ സത്യമായി കാണിക്കാനും മിഥ്യയെ മിഥ്യയായി നശിപ്പിക്കാനുമാണ് അല്ലാഹു അത് മുഖേന ഉദ്ദേശിച്ചത്. എല്ലാം അറിഞ്ഞിട്ട് തള്ളിപ്പറഞ്ഞ ചിന്തയില്ലാത്ത മക്കാമുശ്രിക്കുകളെക്കുറിച്ചാണ് ഇവിടെ ഭ്രാന്തന്‍മാര്‍ എ ന്നുപറഞ്ഞത്. കാരണം അവരുടെ ഭാഷയിലാണ് ഗ്രന്ഥം ഇറങ്ങിയത്. എന്നാല്‍ വീണ്ടുവിചാരമില്ലാതെ മനഃസാക്ഷിക്ക് വിരുദ്ധമായി നിലകൊണ്ടിരുന്ന അവര്‍ മദീനയിലേക്ക് ഒളിച്ചോടിപ്പോയ അല്ലാഹുവിന്‍റെ സംഘത്തില്‍ പെട്ട പ്രവാചകനോടും വിശ്വാസികളോടും വിരോധം വെച്ച് പുലര്‍ത്തിയിരുന്നവരും അവരെ നശിപ്പിക്കുന്നതിനുവേണ്ടി കച്ചകെട്ടി യിറങ്ങിത്തിരിച്ചവരുമായിരുന്നു.

അദ്ദിക്ര്‍ അറിഞ്ഞിട്ട് മൂടിവെക്കുന്ന കപടവിശ്വാസികളും അത് മനസ്സിലാക്കാന്‍ ശ്ര മിക്കാതെ അറബി ഭാഷയിലുള്ള അതിന്‍റെ ശരീരം തിന്ന് പുണ്യം നേടുന്ന ഫാജിറുകളുമാണ് ഇന്ന് വിശ്വാസികളോട് വിരോധം പുലര്‍ത്തുന്ന ചിന്താശക്തി ഉപയോഗപ്പെടുത്താത്ത ഭ്രാന്തന്‍മാര്‍. സത്യം എന്നത് അദ്ദിക്റിന്‍റെ നാല്‍പത് പേരുകളില്‍ ഒന്നാണ്. ഇ സ്ലാമിന്‍റെ പേരില്‍ സൃഷ്ടികള്‍ എഴുതിയുണ്ടാക്കിയിട്ടുള്ള മറ്റു ഗ്രന്ഥങ്ങളെല്ലാം മിഥ്യയുമാണ്. 17: 81-ല്‍, നീ പറയുക: സത്യം ആഗതമായി, മിഥ്യ തകര്‍ന്നു പോയി, നിശ്ചയം മിഥ്യ തകരേണ്ടത് തന്നെയാണ് എന്നും; 34: 49 ല്‍, സത്യം വന്നുകഴിഞ്ഞു, മിഥ്യ ഇനി ത ലപൊക്കുകയോ ആവര്‍ത്തിക്കുകയോ ഇല്ല എന്നും പറഞ്ഞിട്ടുണ്ട്. 3: 101; 4: 175 തുടങ്ങിയ സൂക്തങ്ങള്‍ അവസാനിക്കുന്നത് ആരാണോ അല്ലാഹുവിനെ മുറുകെ പിടിക്കുന്നത്, അവന്‍ നേരെച്ചൊവ്വെയുള്ള മാര്‍ഗത്തിലായിക്കഴിഞ്ഞു എന്ന ആശയത്തിലാണ്. 5: 48 ല്‍ പറഞ്ഞ മുഹൈമിനായ-കാത്തുസൂക്ഷിക്കുന്ന-ഗ്രന്ഥമായ അദ്ദിക്റിനെ മുറുകെപ്പിടിക്കുകവഴിയാണ് മുഹൈമിനായ നാഥനെ മുറുകെപ്പിടിക്കാന്‍ സാധിക്കുക. പ്രസ്തുത ഗ്ര ന്ഥം സമര്‍പ്പിക്കുന്ന പാതതന്നെയാണ് 35 സൂക്തങ്ങളില്‍ പറഞ്ഞ പ്രപഞ്ചനാഥനിലേ ക്കുള്ള നേരെച്ചൊവ്വെയുള്ള പാതയും. 2: 119, 147; 6: 91; 7: 8-9 വിശദീകരണം നോക്കുക.